វិធីបង្រៀនកូនៗអំពីអំពើសប្បុរស

on Tuesday, 20 September 2016. Posted in Parenting Tips

dad and daughter charity article

បណ្ដុះចិត្តឱ្យចូលចិត្តបរិច្ចាគ

អំពើ​សប្បុរស​ធម៌ និង​ទឹក​ចិត្ត​ចូលចិត្ត​បរិច្ចាគ​ត្រូវ​បាន​ផុស​ឡើង​នៅ​ក្នុង​កម្រិត​ថ្មី​មួយ​គួរ​ឱ្យ​កត់​សម្គាល់​ក្នុង​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ ដោយ​សារ​តែ​មាន​គ្រោះ​មហន្តរាយ​ធម្មជាតិ សង្គ្រាម និង​ការ​បំផ្លាញ​ពី​ភេរវករ​នៅ​ជុំ​វិញ​ពិភព​លោក។ បន្ទាប់​ពី​បាន​ឃើញ​ទិដ្ឋភាព​ដ៏​សោក​សង្រេង​នោះ​មក​តាម​រយៈ​ទូរទស្សន៍​ជា​ដើម​នោះ ធ្វើ​ឱ្យ​មនុស្ស​ចាប់​ចេះ​គិត និង​យល់​ពី​ភាព​ខ្វះ​ខាត និង​ទុក្ខ​សោក​របស់​ជន​រង​គ្រោះ ​និង​ចាប់​ផ្ដើម​ចេញ​ថវិកា​ផ្ទាល់​ខ្លួន​ដើម្បី​ជួយ​ដល់​ជន​រង​គ្រោះ​ដែល​កំពុង​ត្រូវ​ការ​ជំនួយ​ទាំង​នោះ។

មាន​ឪពុក​ម្ដាយ​ជា​ច្រើន​បាន​ចាប់​យក​ឱកាស​នេះ​បង្រៀន​កូនៗ​របស់​ពួក​គេ​ឱ្យ​ស្វែង​យល់​ពី​កិច្ចការ​សប្បុរស និង​អត្ថប្រយោជន៍​ដែល​ពួក​គេ​អាច​ជួយ​អ្នក​ដទៃ​បាន​ទាន់​ពេល​វេលា​ក្នុង​ខណៈ​ពេល​ដែល​ជន រង​គ្រោះ​ទាំង​នោះ​កំពុង​ត្រូវ​ការ​ជំនួយ​ជា​បន្ទាន់។ ពួក​គេ​អាច​បង្កើត​គម្រោង​គ្រួសារ​សប្បុរស​ ដែល​អាច​ឱ្យ​កូន​របស់​ពួក​គេ​ជួយ​បាន​ដូច​ជា ប្រើ​ថវិកា​បរិច្ចាគ សរសេរ​សែក និង​រៀប​ចំការ​ផ្ញើ​សំបុត្រ​ជា​ដើម។ ទន្ទឹម​នឹង​នេះ ពួក​គេ​បាន​អនុញ្ញាត​ឱ្យ​កូន​របស់​ពួក​គេ​ចូល​រួម​កែ​ប្រែ​ភាព​ឈឺ​ចាប់ និង​ទុក្ខ​សោក​នៃ​ការ​បាត់​បង់ ឱ្យ​ទៅជា​ក្ដី​ស្រឡាញ់​ពី​មនុស្ស​នានា​នៅ​ពាក់​កណ្ដាល​ពិភព​លោក។

ជា​ការ​ពិត​ណាស់ គ្រោះ​មហន្តរាយ​ក្នុង​ពេល​ថ្មីៗ​នេះ បាន​ផ្ដល់​នូវ​ឱកាស​មួយ​ក្នុង​ការ​បង្រៀន​កូនៗ​អំពី​កិច្ចការ​សប្បុរស។ ចុះ​ប្រសិន​បើ​ឪពុក​ម្ដាយ​មួយ​ចំនួន​ចង់​ឱ្យ​មេរៀន​សប្បុរស​ធម៌​នេះ​កើត​មាន​លើស​ពី​ម្ដង​នោះ ហើយ​ប្រសិន​បើ​ពួក​គេ​ចង់​ឱ្យ​ទឹក​ចិត្ត​បរិច្ចាគ​តែងតែ​មាន​ក្នុង​ចិត្ត​របស់​កូនៗ​ពួក​គេ តើ​ពួក​គេ​ត្រូវ​ធ្វើយ៉ាង​ណា​ដើម្បី​បណ្ដុះ​ទម្លាប់​សប្បុរស​ទាំង​នោះ​បាន?

គម្រោងសប្បុរសសម្រាប់គ្រួសារ

ដើម្បី​ជួយ​កូនៗ​របស់​លោក​អ្នក​ឱ្យ​មាន​ទម្លាប់​បរិច្ចាគ អ្នក​ត្រូវ​អនុវត្ត​តាម​វិធី​ដូច​ខាង​ក្រោម។

1- បរិច្ចាគសម្លៀកបំពាក់

អ្នក​ប្រាកដ​ជា​មាន​សម្លៀក​បំពាក់​ដែល​លែង​ស្លៀក​ពាក់ ហើយ​ទុក​ចោល​ក្នុង​ទូ​ជា​មិន​ខាន។ បើ​មាន​សម្លៀក​បំពាក់​ច្រើន​ដូច​នេះ ហេតុអ្វី​ក៏​មិន​​យក​ខ្លះ​ទៅ​បរិច្ចាគ​ដល់​អ្នក​ដែល​ត្រូវ​ការ​សម្លៀក​បំពាក់ តែ​គ្មាន​លទ្ធភាព​? លោក​អ្នក​អាច​លើក​ទឹក​ចិត្ត​ដល់​កូនៗ​ឱ្យ​ប្រមូល​សម្លៀក​បំពាក់​ដែល​ពួក​គេ​លែង​ស្លៀក​ ឬ​លែង​ត្រូវ​ការ​ដើម្បី​បរិច្ចាគ​បាន។ មិន​ត្រឹមតែ​សម្លៀក​បំពាក់​ប៉ុណ្ណោះ​ទេ​ដែល​អាច​បរិច្ចាគ​បាន ពួក​គេ​ក៏​អាច​ប្រមូល​របស់​លេង​ដែល​ពួក​គេ​ចង់​បរិច្ចាគ​ដាក់​ចូល​ក្នុង​ប្រអប់​សប្បុរស​របស់​ពួក​គេ​បាន​ផង​ដែរ។ គុណ​តម្លៃ​ដែល​ពួក​គេ​ទទួល​បាន គឺ​ពិត​ជា​មាន​ភាព​អស្ចារ្យ។

2- ជួយអ្នកជិតខាង

ការ​ភ្ជាប់​ទំនាក់​ទំនង​ជា​មួយ​អ្នក​ជិត​ខាង​ពិត​ជា​មាន​សារសំខាន់​ខ្លាំង​ណាស់។ ចំណែក​ឯការ​ជួយ​គ្នា​ទៅ​វិញ​ទៅ​មក គឺ​កាន់​តែ​សំខាន់​ទៅ​ទៀត។ លោក​អ្នក​អាច​បង្រៀន​កូនៗ​ឱ្យ​យល់​ដឹង​ពី​ការ​ជួយ​ធុរៈ​អ្នក​ដទៃ​ក្នុង​ពេល​ដែល​គេ​មាន​បញ្ហា។

3- ការបរិច្ចាគឈាម

រាល់​ពេល​ដែល​លោក​អ្នក​ទៅ​បរិច្ចាគ​ឈាម គួរ​តែ​នាំ​កូនៗ​ទៅ​ជាមួយ​ដើម្បី​បង្ហាញ​ពី​គំរូ​ដល់​ពួក​គេ។ លោក​អ្នក​ត្រូវ​និយាយ​ប្រាប់​ពួក​គេ​ពី​អត្ថប្រយោជន៍​នៃ​ការ​បរិច្ចាគ​ឈាម។

4- ធ្វើពិធីខួបកំណើតបែបសប្បុរស

លោកអ្នក​អាច​ប្រារព្ធ​ពិធី​ខួប​កំណើត​មួយ​សម្រាប់​ទទួល​អំណោយ​ក្នុង​ការ​បរិច្ចាគ​ដល់​អ្នក​ដទៃ។ ឧទាហរណ៍ ក្នុង​ពិធី​ខួប​កំណើត​អំឡុង​ពេល​ដែល​កូន​កំពុង​រៀន​ថ្នាក់​ដំបូង លោក​អ្នក​អាច​ស្នើ​សុំ​ដល់​អ្នក​ចូល​រួម​កម្មវិធី​ខួប​កំណើត​របស់​កូន​នាំ​មក​ជាមួយ​នូវ​សៀវភៅ​ថ្មី ឬ​ប្រើ​រួច​ដើម្បី​ដាក់​ក្នុង​ការ​បរិច្ចាគ​ទៅ​កាន់​សហគមន៍​ដែល​ត្រូវ​ការ​សៀវភៅ​សម្រាប់​កុមារ។

5- ជួយដល់សត្វ

លោកអ្នក​ត្រូវ​បង្រៀន​កូនៗ​ឱ្យ​ចេះ​ស្រឡាញ់​សត្វ និង​ឱ្យ​ចំណី​សត្វ។ មាន​សត្វ​អនាថា​ជា​ច្រើន​កំពុង​អត់​ចំណី ដូច្នេះ នេះ​ជា​ពេល​ដ៏​ល្អ​ដែល​ពួក​គេ​អាច​ផ្ដល់​ចំណី​ខ្លះ​ដល់​សត្វ​ទាំង​នោះ។

6- ផ្ដល់អាហារដល់អ្នកដែលខ្វះខាត

លោក​អ្នក​អាច​បង្កើត​កន្ត្រក​អាហារ​ដើម្បី​ឱ្យ​កូនៗ​ដាក់​អាហារ​ចូល និង​បរិច្ចាគ​នៅ​ក្នុង​ពិធី​បុណ្យ ឬ​ថ្ងៃ​ឈប់​សម្រាក​ណាមួយ​ដល់​គ្រួសារ​ដែល​ក្រ​ខ្សត់ គ្មាន​អាហារ​បរិភោគ​គ្រប់​គ្រាន់។ អាហារ​ដែល​ពួក​គេ​អាច​បរិច្ចាគ​បាន​មាន​ដូច​ជា​ម្ហូប បាយ ភេសជ្ជៈ ទឹក​ស្អាត ផ្លែ​ឈើ ឬ​បង្អែម​ជា​ដើម។

7- ផ្លាស់ប្ដូរដើម្បីភាពរីកចម្រើន

លោក​អ្នក​អាច​បង្កើត​ក្រឡ​សប្បុរស​មួយ ដែល​សមាជិក​ក្នុង​គ្រួសារ​ទាំង​អស់​អាច​បរិច្ចាគ​ថវិកា​ផ្ទាល់​ខ្លួន​របស់​ពួក​គេ​បន្តិច​បន្តួច​ដាក់​ក្នុង​ក្រឡ​នោះ។ ពេល​ដែល​ក្រឡ​ពេញ​ហើយ លោក​អ្នក​អាច​យក​ថវិកា​ដែល​មាន​ក្នុង​ក្រឡ​នោះ​ទៅ​បរិច្ចាគ​ឱ្យ​គម្រោង​សប្បុរស ឬ​ជំនួយ​ណាមួយ​ដែល​កូនៗ​ពេញ​ចិត្ត ដូច​ជា គម្រោង​ជំនួយ​ដល់​កុមារ​កំព្រា មនុស្ស​ចាស់​ជរា អ្នក​កើត​ជំងឺ សត្វ​ព្រៃ ។ល។ ឬ​ក៏អាច​យក​ថវិកា​ទាំង​នោះ​ទិញ​ជា​សម្ភារ​ផ្គត់ផ្គង់​ដល់​សហគមន៍​ណាមួយ​ជា​ដើម។

8- ជួយមនុស្សចាស់

លោក​អ្នក​អាច​ណែនាំ​កូនៗ​ឱ្យ​ចេះជួយ​មនុស្ស​ចាស់ ដូចជា​ជូន​ពួក​គាត់​ឆ្លង​ថ្នល់ ស្រោច​ផ្កា ដាំ​ផ្កា ។ល។ អាច​ជួយ​សម្រាល​ភាព​លំបាក​របស់​ពួក​គាត់​ខ្លះ។

ការ​អនុវត្ត​នូវ​គំនិត​ទាំង​នេះ​ អាច​ជួយ​ឱ្យ​កូនៗ​របស់​លោក​អ្នក​យល់​ដឹង​ពី​អំពើ​សប្បុរស គឺ​អាច​កើត​មាន​មិន​ត្រឹម​តែ​ក្នុង​ពេល​មាន​អាសន្ន​ប៉ុណ្ណោះ​ទេ តែ​ត្រូវ​តែ​មាន​ជានិច្ច។ លោក​អ្នក​អាច​ជួយ​ពួក​គេ​ឱ្យ​ចេះ​គោរព​ដល់​ជីវិត និង​តម្រូវ​ការ​របស់​អ្នក​ដទៃ ខណៈ​ពេល​ដែល​ពួក​គេ​កំពុង​បរិច្ចាគ​ធនធាន​ណាមួយ​ដែល​ពួក​គេ​មាន នោះ​ពួក​គេ​អាច​យល់​ពី​សារ​ដ៏​សំខាន់​អំពី​ភាព​ជឿជាក់​របស់​លោក​អ្នក​ចំពោះ​ពួក​គេ​ក្នុង​ការ​ប្រព្រឹត្ត​អំពើ​ល្អ និង​ទឹក​ចិត្ត​បរិច្ចាគ៕

ប្រែសម្រួលពីសៀវភៅ The 10 Commitments: Parenting with Purpose

7 វិធីក្នុងការបង្រៀនកូនឱ្យចេះគ្រប់គ្រងខ្លួនឯង

on Thursday, 15 September 2016.

self control child

កិច្ចការ​ចម្បង​ដែល​កុមារ​ត្រូវ​ចេះ គឺ​ការ​អភិវឌ្ឍ​វិន័យ​ផ្ទាល់​ខ្លួន។ ចំណែក​ឯ​កិច្ចការ​ចម្បង​ដែល​ឪពុក​ម្ដាយ​ត្រូវ​ធ្វើ​គឺ បង្រៀន​កូន​ឱ្យ​ចេះ​គ្រប់​គ្រង​ខ្លួន​ឯង។

កុមារ​ជា​ច្រើន ពិសេស​កុមារ​តូចៗ មាន​ចរិត​ឆេវឆាវ និង​ពិបាក​ក្នុង​ការ​គ្រប់​គ្រង។ ដំណោះ​ស្រាយ​សម្រាប់​កុមារ​ទាំង​នេះ គឺ​បណ្ដុះ​វិន័យ​ផ្ទាល់​ខ្លួន។ កុមារ​ត្រូវ​ដែល​អាច​គ្រប់​គ្រង​ខ្លួន​ឯង​បាន និង​ចេះ​រៀប​ចំ​វិន័យ​ផ្ទាល់​ខ្លួន​បាន មាន​សមត្ថភាព​អាច​ជំនះ​រាល់​ឧបសគ្គ​ទាំង​ឡាយ​ក្នុង​ជីវិត​របស់​ពួក​គេ​បាន។ ដូច្នេះ​ហើយ​ទើប​ពួក​គេ​អាច​គេច​ចេញ​ពី​បញ្ហា​ផ្សេងៗ និង​បញ្ហា​ផ្ទាល់​ខ្លូន​នៅ​ពេល​ដែល​ពួក​គេ​ចេះ​គ្រប់​គ្រង​ខ្លួន​ឯង​។ ខាង​ក្រោម​នេះ​គឺ​ជា​វិធី​សាស្ត្រ​ទាំង 7 ក្នុង​ការ​បង្រៀន​កូនៗ​របស់​លោក​អ្នក​ឱ្យ​ចេះ​គ្រប់​គ្រង​ខ្លួន​ឯង​។

1. បង្រៀនពួកគេឱ្យបង្ហាញខ្លួន នៅពេលដែលមានគេហៅឈ្មោះ

នៅ​ពេល​ដែល​ឪពុក​ម្ដាយ​ហៅ​កូន កូន​មិន​ត្រូវ​ស្រែក​ឆ្លើយ​ពី​កន្លែង​ឆ្ងាយ​នោះ​ទេ។ ពួក​គេ​ត្រូវ​តែ​ដើរ​មក​កាន់​ឪពុក​ម្ដាយ​ដើម្បី​ដឹង​ថា​ពួក​គាត់​ចង់​បាន​អ្វី​ពី​ពួក​គេ។ វិធី​នេះ​អាច​ធ្វើ​ឱ្យ​ពួក​គេ​ដឹង​ថា​ការ​ចេះ​គ្រប់​គ្រង​ខ្លួន​ឯង​មាន​ន័យ​ថា មិន​អាច​បោះ​បង់​អ្វី​ចោល​ពាក់​កណ្ដាល​ទី​ឡើយ គឺ​ត្រូវ​ដឹង​ថា​គួរ​ធ្វើអ្វី​ដើម្បី​សម្រេច​បាន​គោល​បំណង​អ្វី​មួយ។

2. បង្រៀនកូនឱ្យចេះឆ្លើយតបដោយភាពវិជ្ជមានចំពោះការកែលម្អណាមួយពីអ្នកដទៃ

កុមារ​ជា​ច្រើន​មិន​ចូល​ចិត្ត​ឱ្យ​គេ​កែ​តម្រូវ​ឡើយ ហើយ​តែង​តែ​ព្យាយាម​ឆ្លើយ​តប​ទៅ​វិញ​ដោយ​ភាព​អវិជ្ជមាន ឬ​បង្ហាញ​លក្ខណៈ​ឆេវ​ឆាវ និង​អាកប្បកិរិយា​មិន​ល្អ​ជា​ដើម។ ទង្វើ​ទាំង​នេះ​ គឺ​ពិត​ជា​មិន​គួរ​ឱ្យ​ទទួល​យក​បាន​ទេ ហើយ​លោក​អ្នក​គួរ​តែ​បង្រៀន​ពួក​គេ​ឱ្យ​ចេះ​មាន​វិន័យ​ផ្ទាល់​ខ្លួន។ ភាព​ពិត​មួយ​នៃ​ជីវិត​ គឺ​ថា មនុស្ស​ភាគ​ច្រើន​តែ​ត្រូវ​ដើរ​តាម​គន្លង​ដែល​ខ្លួន​មិន​ចូល​ចិត្ត។ លោក​អ្នក​ត្រូវ​បង្រៀន​កូន​ឱ្យ​ចេះ​ឆ្លើយ​តប​ទៅ​អ្នក​ដទៃ​ប្រកប​ដោយ​អាកប្បកិរិយា​ថ្លៃ​ថ្នូរ និង​ទង្វើ​ត្រឹម​ត្រូវ។ ការ​បង្ហាត់​នេះ​ទាមទារ​ឱ្យ​មាន​ការ​គ្រប់គ្រង​ខ្លួន​ឯង និង​ការ​ជួយ​កុមារ​ឱ្យ​ចេះ​គ្រប់​គ្រង​ភាព​ចចេស​របស់​ពួក​គេ។ ការ​ឆ្លើយ​តប​ដ៏​ល្អ​ក្នុង​ការ​កែ​តម្រូវ​ពិត​ជា​ពិបាក​ក្នុង​ការ​រៀន ប៉ុន្តែ វា​នឹង​ជួយ​កុមារ​ក្នុង​ការ​អភិវឌ្ឍ​ជំនាញ​មួយ​ដែល​អាច​ជួយ​ពួកគេ​បាន​ជា​រៀង​រហូត។  

3. ជំនាញទំនាក់ទំនងក្នុងសង្គមជាច្រើនត្រូវការការចេះគ្រប់គ្រងខ្លួនឯង

លោកអ្នក​ត្រូវ​តែ​សរសើរ​កុមារ​នៅ​ពេល​ដែល​ពួក​គេ​បង្ហាញ​លោក​អ្នក​ពី​ទង្វើ​ត្រឹមត្រូវ​ដែល​ពួក​គេ​កំពុង​ធ្វើ​។ ការ​ស្ដាប់ និង​ដឹង​នៅ​ពេល​គួរ និង​វិធី​រំខាន គ្រប់គ្រង​កំហឹង និង​រាយការណ៍​ពី​អ្វី​ដែល​ពួក​គេ​បាន​បញ្ចប់​ គឺ​សុទ្ធ​តែ​ត្រូវ​ការ​វិន័យ​ផ្ទាល់​ខ្លួន។

4. លើកទឹកចិត្តកុមារឱ្យប្រព្រឹត្តទង្វើដែលជួយពួកគេក្នុងការបង្កើតវិន័យផ្ទាល់ខ្លួន

កិច្ចការ​ទាំង​នេះ​អាច​មាន កីឡា ការ​សិក្សា​តន្រ្តី អាន​កាសែត​ព័ត៌មាន ទទួល​ខុស​ត្រូវ​ជួយ​មើល​ថែ​សត្វ​ចិញ្ចឹម សម្អាត​បន្ទប់ ឬ​កិច្ចការ​ផ្សេង​ទៀត​ជាដើម។

5. នៅ​ពេល​ដែល​ពួក​គេ​ទទួល​រង្វាន់​លើក​ទឹក​ចិត្ត​ដូច​ជា បាន​លុយ​កាក់​ពី​ការ​ធ្វើ​កិច្ចការ​អ្វី​មួយ ផ្កាយ​រង្វាន់​ ឬ​អំណោយ​ផ្សេងៗ លោកអ្នក​ត្រូវ​តែ​និយាយ​ពី​វិន័យ​ផ្ទាល់​ខ្លួន​ជា​និច្ច។

រង្វាន់​លើក​ទឹក​ចិត្ត​បន្ថែម​ពី​ខាង​ក្រៅ​ផ្ដល់​នូវ​ឱកាស​ដ៏​ល្អ​មួយ​ដើម្បី​និយាយ​ជាមួយ​កូនៗ​ពី​រង្វាន់​ផ្នែក​ខាង​ក្នុង​។ អត្ថប្រយោជន៍​ដែល​ពួក​គេ​ទទួល​បាន គឺ​មិន​ត្រឹម​តែ​ជា​រង្វាន់លុយ​កាក់​ប៉ុណ្ណោះ​ទេ តែ​ជា​ការ​បណ្ដុះ​វិន័យ​ផ្ទាល់​ខ្លួន។  

6. ប្រើពេលវេលាចូលគេងដើម្បីបង្រៀងពួកគេពីវិន័យផ្ទាល់ខ្លួន

កុមារ​មួយ​ចំនួន​មាន​ភាព​លំបាក​ក្នុង​ការ​ចូល​គេង ហើយ​នេះ​គឺ​ជា​ពេល​វេលា​ដ៏​ល្អ​សម្រាប់​លោក​អ្នក​ក្នុង​ការ​បង្រៀន​ពួក​គេ​ពី​ទម្លាប់ និង​វិន័យ​ផ្ទាល់​ខ្លួន។ លោក​អ្នក​ត្រូវ​បង្រៀន​ពួក​គេ​ឱ្យ​ចេះ​គ្រប់គ្រង​ខ្លួន​ឯង​ ដោយ​រក្សា​ភាព​ស្ងៀម​ស្ងាត់​ពេល​ចូល​គេង​ខណៈ​ដែល​ឪពុក​ម្ដាយ​មិន​ទាន់​ចូល​គេង​នៅ​ឡើយ។ លោក​អ្នក​ត្រូវ​កំណត់​ពេល​វេលា​ចូល​គេង​ដើម្បី​អភិវឌ្ឍ​ទម្លាប់​មួយ​ដែល​អាច​គ្រប់គ្រង​ពេល​វេលា​គេង​របស់​ក្មេងៗ​ទោះ​បី​ជា​គ្មាន​ម្ដាយ​នៅ​ក្បែរ​ក៏​ដោយ។

7. ទម្លាប់​នៅ​ពេល​ព្រឹក ទម្លាប់​ធ្វើ​កិច្ចការ​ផ្ទះ និង​កាលវិភាគ​សម្រាប់​គ្រួសារ​បង្កើត​ឱកាស​សម្រាប់​កុមារ​ក្នុង​ការ​សិក្សា​ពី​ទំនួល​ខុស​ត្រូវ និង​វិន័យ​ផ្ទាល់​ខ្លួន។

ទំនួល​ខុស​ត្រូវ​ គឺ​ជាការ​ធ្វើអ្វី​ដែល​ត្រូវ បើ​ទោះ​បី​ជា​គ្មាន​អ្នក​ណា​កំពុង​មើល​ក៏ដោយ។ រង្វាន់​សម្រាប់​ការ​ចេះ​ទទួល​ខុស​ត្រូវ​ គឺ​ជា​សិទ្ធិ​ពិសេស។ កុមារ​ដែល​អាច​រៀប​ចំ​ខ្លួន និង​ទទួល​ទាន​អាហារ​ពេល​ព្រឹក​បាន​មុន​ម៉ោង​ត្រូវ​ទៅ​រៀន គឺ​ជា​កុមារ​ម្នាក់​ដែល​អាច​មាន​សិទ្ធិ​ពិសេស​ក្នុង​ការ​ទទួល​រង្វាន់​ពី​ឪពុក​ម្ដាយ។

ឪពុក​ម្ដាយ​មួយ​ចំនួន​ព្យាយាម​ផ្ដល់​ជីវិត​ដ៏​ប្រសើរ​សម្រាប់​កូន​របស់​ពួក​គេ​ដើម្បី​ឱ្យ​កូនៗ​របស់​ពួក​គេ​មាន​អារម្មណ៍​ល្អ​ចំពោះ​ការ​បង្ហាញ​អាកប្ប​កិរិយា​ល្អ។ ប៉ុន្តែ​គួរ​ឱ្យ​ស្ដាយ ​នេះ​ក៏​អាច​ជា​ការ​បើក​សិទ្ធិ​សេរី​ភាព​ច្រើន​ពេក ដែល​ធ្វើ​ឱ្យ​កូនៗ​បាត់​បង់​ការ​គ្រប់គ្រង​ខ្លួន​ឯង។ ឪពុកម្ដាយ​ដែល​ឆ្លាត នឹង​ប្រើ​ភាព​ជា​កុមារ​ដើម្បី​រៀប​ចំ​អនាគត​របស់​កូន​ពួក​គេ​ឱ្យ​ជោគ​ជ័យ។ វិន័យ​ផ្ទាល់​ខ្លួន គឺ​ជា​គុណភាព​នៃ​អាកប្បកិរិយា​ដ៏​សំខាន់​បំផុត​ដែល​កុមារ​អាច​អភិវឌ្ឍ​បាន​ដោយ​ខ្លួន​ឯង។ និយាយ​រួម កុមារ​ដែល​ទម្រើស គឺ​ជាកុមារ​ដែល​មិន​សប្បាយ​ចិត្ត ហើយ​កុមារ​ដែល​មាន​វិន័យ​ផ្ទាល់​ខ្លួន គឺ​ជា​កុមារ​ដែល​តែង​តែ​សប្បាយ​ចិត្ត។

វិន័យ​ផ្ទាល់​ខ្លួន គឺ​ជា​គុណភាព​ដ៏​ចម្បង​មួយ​ដែល​ជួយ​កុមារ​ទទួល​បាន​ភាព​ជោគជ័យ​ក្នុង​ជីវិត។

តើ​លោក​អ្នក​មាន​គំនិត​អ្វី​ពិសេសៗ​ក្នុង​ការ​បង្រៀន​កូនៗ​របស់​លោក​អ្នក​ឱ្យ​មាន​វិន័យ​ផ្ទាល់​ខ្លួន​ដែរ​ឬ​ទេ?

ប្រែសម្រួលពីអត្ថបទរបស់លោក Scott Turansky

ធ្វើ​យ៉ាង​ណា​ទើប​ខួរ​ក្បាល​មាន​សុខភាព​ល្អ?

on Friday, 09 September 2016. Posted in Parenting Tips

6

ដើម្បី​ឱ្យ​ខួរ​ក្បាល​អាច​លូត​លាស់​បាន​ប្រកប​ដោយ​សុខភាព​ល្អ​សម្រាប់​កុមារ​ដែល​ឆ្លាត និង​រីករាយ យើង​ត្រូវ​អនុវត្ត​តាម​ចំណុច​សំខាន់ៗ​ចំនួន 4 ដូចជា៖

  • រក្សាតុល្យភាពស្ករក្នុងឈាម
  • បរិភោគសារធាតុខ្លាញ់ណាដែលសំខាន់ដល់រាងកាយ
  • ទទួលទានអាហារមានជាតិវីតាមីន និងជាតិរ៉ែគ្រប់គ្រាន់
  • ជៀសវាងអាហារដែលប្រឆាំងសារធាតុចិញ្ចឹម និងអាចធ្វើឱ្យងាយប្រតិកម្ម

  

រក្សាតុល្យភាពជាតិស្ករក្នុងឈាម

ហេតុអ្វីបានជាតុល្យភាពមានសារសំខាន់?

ស្ករ គឺ​ជា​ថាមពល​ដ៏​ខ្លាំង​មួយ​របស់​ខួរ​ក្បាល ប៉ុន្តែ អ្នក​ត្រូវ​ប្រាកដ​ថា​កូន​របស់​លោក​អ្នក​ទទួល​ទាន​អាហារ​ដែល​មាន​ជាតិ​ស្ករ​នោះ​ត្រូវ​តាម​ប្រភេទ​រាង​កាយ/ខួរ​ក្បាល ក្នុង​បរិមាណ​ត្រឹម​ត្រូវ និង​ត្រូវ​តាម​ពេល​វេលា។

ការ​ទទួល​ទាន​អាហារ​មាន​ជាតិ​ស្ករ​ច្រើន​ពេក​ធ្វើ​ឱ្យ​កម្រិត​ជាតិ​ស្ករ​ក្នុង​ឈាម​ឡើង​ខ្ពស់ និង​ធ្វើ​ឱ្យ​កុមារ​មាន​ភាព​ពិបាក​ក្នុង​ការ​ធ្វើ​ចលនា។ ការ​ទទួល​ទាន​ជាតិ​ស្ករ​លើស​អាច​ធ្វើ​ឱ្យ​កុមារ​ធាត់​លើស​ទម្ងន់។ ចំណែក​ឯ​ការ​ទទួល​ទាន​ជាតិ​ស្ករ​តិច​ ប៉ុន្តែ​ញឹក​ញាប់ អាច​ជួយ​រក្សា​ថាម​ពល និង​ការ​គិត​របស់​កុមារ​ឱ្យ​មាន​ភាព​ថេរ។

ការ​ទទួល​ទាន​ជាតិ​ស្ករ​ច្រើន​ពេក​នឹង​ធ្វើ​ឱ្យ​កុមារ​មាន​ចលនា​យឺត​យ៉ាវ និង​ពិបាក​ក្នុង​ការ​គិត។

ការ​ទទួល​ទាន​ជាតិ​ស្ករ​តិច​ពេក​នឹង​ធ្វើ​ឱ្យ​ពួក​គេ​មាន​អារម្មណ៍​ថា​អស់​កម្លាំង ស្មុគ្រ​ស្មាញ និង​ពិបាក​ក្នុង​ការ​គិត។

ធ្វើយ៉ាងណាទើបរក្សាតុល្យភាពជាតិស្ករក្នុងឈាមបានត្រឹមត្រូវ?

លោកអ្នកត្រូវស្វែងរកអាហារដែលមានជាតិស្ករតិចដល់កូនៗ។ អាហារទាំងនោះមានដូចជា៖

- ស្រូវសាលី

- អង្ករសម្រូប

- នំប៉័ងធ្វើពីស្រូលសាលី

- មីសរសៃធ្វើពីស្រូវសាលី

- នំប៉័ងពណ៌ត្នោត

- នំប៉័ងធ្វើពីស្រូលសាលី

- បន្លែ (លើកលែងតែដំឡូងបារាំង និងមើមស)

  

លោក​អ្នក​ត្រូវ​ឱ្យ​ពួក​គេ​ទទួល​ទាន​អាហារ 3 ពេល និង​អាហារ​សម្រន់ 2 ពេល​ក្នុង​មួយ​ថ្ងៃ។ ការ​ទទួល​អាហារ​របៀប​នេះ​នឹង​ជួយ​រក្សា​កម្រិត​ជាតិ​ស្ករ​ក្នុង​ឈាម​របស់​លោក​អ្នក និង​ទប់​ស្កាត់​មិន​ឱ្យ​ឡើង ឬ​ចុះ​ឡើយ។

ហើយ​ពួក​គេ​ក៏​ត្រូវ​ទទួល​ទាន​អាហារ​ដែល​មាន​ជាតិ​ប្រូតេអ៊ីន និង​កាបូអ៊ីត្រាត​ផង​ដែរ។ ជាតិ​ប្រូតេអ៊ីន​ជួយ​ពន្យារ​ការ​ស្រូប​នៃ​ជាតិ​ស្ករ​ដែល​មាន​នៅ​ក្នុង​កាបូអ៊ីត្រាត។ អាហារ​ទាំង​នោះ​មាន​ដូច​ជា៖

- នំគ្រាប់ធញ្ញជាតិជាមួយនឹងទឹកដោះគោ ឬទឹកដោះគោជូរ

- នំប៉័ងបន្ទះអាំងជាមួយស៊ុត

- ផ្លែឈើជាមួយនឹងទឹកដោះគោជូរ ឬគ្រាប់ធញ្ញជាតិ

- នំប៉័ងបន្ទះអាំងជាមួយនឹងត្រីសមុទ្រតូចៗ

  

មួយវិញទៀត ពួកគេត្រូវបរិភោគសារធាតុខ្លាញ់ណាដែលសំខាន់ដល់រាងកាយ។

ហេតុអ្វីបានជាខ្លាញ់អាចជួយឱ្យខួរក្បាលឆ្លាត?

60% នៃ​ទម្ងន់​ខួរ​ក្បាល គឺ​ជាតិ​ខ្លាញ់ ដែល​ធ្វើ​ឱ្យ​មាន​ផល​ប៉ះពាល់​យ៉ាង​ខ្លាំង​ដល់​ប្រាជ្ញា និង​អាកប្ប​កិរិយា​ប្រសិន​បើ​ខ្វះ​ប្រភេទ​ខ្លាញ់​ដែល​រាងកាយ​ត្រូវ​ការ។

ប្រសិន​បើ​កូន​របស់​អ្នក​ទទួល​ទាន​ត្រី​ដែល​មាន​ជាតិ​ខ្លាញ់ 3 ដង​ក្នុង​មួយ​សប្ដាហ៍ និង​គ្រាប់​ធញ្ញជាតិ​ម្ដង​ជា​រៀង​រាល់​ថ្ងៃ​ ពួក​គេ​ប្រាកដ​ជា​ទទួល​បាន​កម្រិត​ខ្ពស់​ក្នុង​ការ​បង្កើន​សមត្ថភាព​ខួរ​ក្បាល និង​ប្រាជ្ញា​ខ្ពស់។

តើ​ត្រូវ​ធ្វើ​យ៉ាង​ណា​ទើប​អាច​ឱ្យ​កូនៗ​ទទួល​បាន​ជាតិ​ខ្លាញ់​សំខាន់​តាម​តម្រូវ​ការ?

ពួកគេ​ត្រូវ​ទទួល​ទាន​គ្រាប់​ធញ្ញជាតិ និង​គ្រាប់​សណ្ដែក (សណ្ដែកដី) ឱ្យ​បាន​ច្រើន។ លោក​អ្នក​អាច​លាយ​វា​ជាមួយ​នឹង​នំសៀរៀល ស៊ុប និង​សាឡាដ (ញាំ)។ ប្រភព​នៃ​ខ្លាញ់​សំខាន់​មាន​នៅ​ក្នុង៖

- ត្រីស្បៃកា

- ត្រីសាឌីន

- គ្រាប់ឈូករ័ត្ន

- គ្រាប់ល្ពៅ

- គ្រាប់ល្ង

- ត្រីសាឌីនធំៗ

- គ្រាប់ជី

- គ្រាប់សណ្ដែកវលណាត់

- គ្រាប់ខ្លាញ់អូមេហ្គា 3

- ត្រីពុកមាត់ឆ្មា

- ត្រីធូណាបន្ទះៗ

- ត្រីសាល់មុន

ត្រូវ​ទទួល​ទាន​ត្រី​រស់​ក្នុង​ទឹក​ត្រជាក់ 2 ទៅ 3 ដង​ក្នុង​មួយ​សប្ដាហ៍ ដែល​ត្រី​ទាំង​នេះ​មាន​ដូច​ជា ត្រី​សាឌីន ត្រី​ស្បៃកា ត្រី​សាឌីន​ធំៗ និង​ត្រី​សាមុន​ស្រស់​ជាដើម។

លោក​អ្នក​ក៏​ត្រូវ​ជ្រើស​រើស​ខ្លាញ់​ត្រី និង​ប្រេង​ចម្រាញ់​ពី​ផ្កា​ម្យ៉ាង​ដើម្បី​ជួយ​បង្កើន​ជាតិ​ខ្លាញ់។ ប៉ុន្តែ​លោក​អ្នក​ត្រូវ​ជៀស​វាង​អាហារ​ដែល​បំពង​ខ្លាំង​ពេក បំពង​ក្រហម​ពេក និង​អាហារ​ឆ្អិន​ស្រាប់​ជា​ដើម។

ពួក​គេ​ក៏​ត្រូវ​ទទួល​ទាន​អាហារ​មាន​ជាតិ​វីតាមីន និង​ជាតិ​រ៉ែ​គ្រប់​គ្រាន់។

ហេតុ​អ្វី​បាន​ជា​កូនៗ​របស់​លោក​អ្នក​ត្រូវ​ការ​អាហារ​ដែល​មាន​ជាតិ​វីតាមីន និង​ជាតិ​រ៉ែ?

វីតាមីន និង​ជាតិ​រ៉ែ គឺ​ជា​សារធាតុ​ចិញ្ចឹម​ដែល​ធ្វើ​ឱ្យ​ខួរ​ក្បាល​មាន​ចលនា។ ពួក​វា​គឺ​ជា​សារធាតុ​សំខាន់​ដែល​ធ្វើ​ឱ្យ​ខួរ​ក្បាល​ដំណើរ​ការ​ជានិច្ច ហើយ​សារធាតុ​ទាំង​ពីរ​នេះ​មាន​នៅ​ក្នុង​ផ្លែឈើ បន្លែ និង​អាហារ​ផ្សេងៗ។ ការ​សិក្សា​មួយ​បាន​បង្ហាញ​ថា កុមារ​ដែល​ទទួល​ទាន​អាហារ​បំប៉ន​ប្រភេទ​នេះ មាន​ការ​អភិវឌ្ឍ​ប្រាជ្ញា​បាន​យ៉ាង​ឆាប់​រហ័ស។

តើ​ត្រូវ​ធ្វើ​យ៉ាង​ណា​ទើប​ខ្ញុំ​ដឹង​ថា​កូន​របស់​ខ្ញុំ​ទទួល​ទាន​អាហារ​មាន​វីតាមីន និង​សារធាតុ​រ៉ែ​គ្រប់​គ្រាន់?

លោក​អ្នក​ត្រូវ​ប្រាកដ​ថា​ពួក​គេ​ទទួល​ទាន​ផ្លែឈើ​យ៉ាង​ហោច​ណាស់ 5 ចំណិត និង​បន្លែ​ក្នុង​មួយ​ថ្ងៃ។ លោក​អ្នក​ត្រូវ​ជ្រើស​រើស​អាហារ​ដែល​គ្មាន​ជាតិ​គីមី ហើយ​ឱ្យ​ពួក​គេ​ទំពារ​គ្រាប់​បំប៉ន​ដែល​មាន​វីតាមីន​ចម្រុះ និង​ជាតិ​រ៉ែ។

ជៀសវាងអាហារដែលប្រឆាំងសារធាតុចិញ្ចឹម និងអាចធ្វើឱ្យងាយប្រតិកម្ម

តើ​អាហារ​ប្រភេទ​ណា​ខ្លះ​ដែល​ចូល​ទៅ​កាត់​បន្ថយ​សារធាតុ​ចិញ្ចឹម​ក្នុង​ខួរ​ក្បាល​កូន​របស់​លោក​អ្នក?

អាហារ​ដែល​ប្រឆាំង​សារធាតុ​ចិញ្ចឹម គឺ​ជា​សារធាតុ​ដែល​ចូល​ទៅ​បំផ្លាញ​សារធាតុ​ចិញ្ចឹម​សំខាន់​ក្នុង​ខួរ​ក្បាល។ មាន​កុមារ​មួយ​ចំនួន​កំពុង​ទទួល​ទាន​អាហារ​ដែល​ងាយ​ប្រតិកម្ម ឬ​ក៏​មាន​សារធាតុ​ប្រឆាំង​នឹង​អាហារ​ដែល​មាន​ប្រយោជន៍​សម្រាប់​ខួរ​ក្បាល​របស់​ពួក​គេ។

តើធ្វើយ៉ាងណាទើបអាចជៀសវាងពីអាហារដែលប្រឆាំងសារធាតុចិញ្ចឹម?

ដើម្បីជៀសវាងអាហារទាំងនោះ លោកអ្នកត្រូវកាត់បន្ថយ៖

  • អាហារ​ដែល​មាន​ជាតិ​ស្ករ​ខ្ពស់៖ អាហារ​ទាំង​នេះ​ផ្ទុក​ទៅ​ដោយ​ជាតិ​កាបូអ៊ីត្រាត​ដែល​ចូល​ទៅ​បំផ្លាញ​ខ្លាញ់​អ៊ីដ្រូសែន​។
  • ខ្លាញ់បំផ្លាញ៖ សារធាតុទាំងនេះបានមកពីអាហារបំពង និងខ្លាញ់ចម្រា
  • សារធាតុគីមីក្នុងអាហារ៖ ភាគច្រើនជាលក្សពណ៌។
  • លោក​អ្នក​ក៏​អាច​ផ្ដាច់​របប​អាហារ​ណា​ដែល​លោក​អ្នក​គិត​ថា​មាន​ប្រតិកម្ម​ជាមួយ​នឹង​កូន​របស់​លោក​អ្នក៕

ប្រភព៖ Food for the Brain

ផលប្រយោជន៍នៃសិល្បៈ និងជីវិតរស់នៅដែលពោរពេញទៅដោយសិល្បៈ

on Thursday, 18 August 2016. Posted in Parenting Tips

artful

អ្នក​ជំនាញ​ផ្នែក​អប់រំ បាន​បង្ហាញ​ឱ្យ​ដឹង​ថា សិល្បៈ អាច​ជួយ​បង្កើន​ជំនាញ​នៃ​ការ​ប្រើ​ញាណ ការ​អភិវឌ្ឍ​ប្រព័ន្ធ​ប្រសាទ និង​សមត្ថភាព​ក្នុង​ការ​ដោះស្រាយ​បញ្ហា​ជា​ដើម ហើយ​វា​មាន​ប្រសិទ្ធភាព​ក្នុង​ការ​បង្រៀន​ និង​ការ​យល់​ដឹង​អំពី​គន្លឹះ​សំខាន់ៗ​នៃ​មុខ​វិជ្ជា​ផ្សេង​ទៀត​ដូច​ជា ការអាន ការសរសេរ  គណិតវិទ្យា និង​វិទ្យាសាស្ត្រ​ជា​ដើម។

អ្នក​ជំនាញ​ផ្នែក​ព្យាបាល​ជំងឺ​ម្នាក់​បាន​មាន​ប្រសាសន៍​ថា សិល្បៈ ពិត​ជា​មាន​តម្លៃ ព្រោះ​វា​អាច​ជួយ​ឱ្យ​ក្មេងៗ​ដំណើរការ​ពិភព​របស់​ពួក​គេ ជួយ​ដោះ​ស្រាយ​ភាព​ភ័យ​ខ្លាច​ក្នុង​វិធី​មួយ​ដែល​មាន​សុវត្ថិភាព និង​ ដោយ​សារ​តែ​វា​ជួយ​ពួក​គេ​ក្នុង​ការ​ត្រិះរិះ​ពិចារណា​ទៀត​ផង។

អ្នក​ជំនាញ​ផ្នែក​សិល្បៈ​បាន​បង្ហាញ​ថា សិល្បៈ មាន​សារសំខាន់​ម្យ៉ាង ប្រៀប​ដូច​ជា​ប្រភព​នៃ​សម្រស់​ និង​ការ​បង្ហាញ​មួយ​ដែល​សាមញ្ញ​សម្រាប់​ដំណើរ​ការ​នៃ​ការ​បង្កើត​អ្វី​មួយ។

ឪពុកម្តាយ​បាន​ប្រាប់​ឱ្យ​យើង​ដឹង​ថា សិល្បៈ​គឺ​ជា​និមិត្ត​រូប​មួយ​សម្រាប់​គ្រួសារ​របស់​ពួក​គេ ព្រោះ​វា​បាន​រក្សា​ទំនាក់ទំនង និង​​ភាព​សប្បាយ​រីករាយ រួម​ជាមួយ​នឹង​ការ​ចេះ​ជួយ​គ្នា​ក្នុង​គ្រា​លំបាក។

សិល្បៈ​មាន​ទំនាក់​ទំនង​ជាមួយ​នឹង​ភាព​ច្នៃ​ប្រឌិត កត្តា​សំខាន់​សម្រាប់​ភាព​ជោគ​ជ័យ​របស់​បុគ្គល​នីមួយៗ សម្រាប់​អង្គភាព និង​វប្បធម៌​ជា​ដើម។

ចំណុច​សំខាន់​នោះ​គឺ​ថា សិល្បៈ​អាច​ជា​វត្ថុ​អរូបិយ​មួយ បើសិន​ជា​កុមារ​ចាប់​ផ្ដើម​មាន​ទំនាក់​ទំនង​ជាមួយ​វា ពួកគេ​នឹង​រៀន​វា​កាន់​តែ​លឿន និង​ឆាប់​ចេះ។

ខាង​ក្រោម​នេះ​គឺ​ជា​ហេតុផល​ខ្លះៗ​ដែល​បាន​បង្ហាញ​ពី​ភាព​រីក​ចម្រើន​របស់​កុមារ​ដែល​ចាប់​ផ្ដើម​បង្កើត ឬសិក្សា​សិល្បៈ។

សិល្បៈជួយបង្កើនភាពច្នៃប្រឌិត

ភាព​ច្នៃ​ប្រឌិត គឺ​ជា​សមត្ថភាព​នៃ​ការ​គិត​ដ៏​វ័យ​ឆ្លាត​មួយ​ដែល​អាច​ធ្វើ​ឱ្យ​គំនិត​ពីរ​ផ្សេង​គ្នា​អាច​បញ្ចូល​បង្កើត​បាន​ជា​គំនិត​ថ្មី​មួយ។

ដំណោះស្រាយ​សម្រាប់​បញ្ហា​ចម្បង និង​របក​គំហើញ​ថ្មីៗ ត្រូវ​បាន​រួម​បញ្ចូលគ្នា​ដើម្បី​ភាព​ច្នៃ​ប្រឌិត។

សមត្ថភាព​ច្នៃប្រឌិត គឺ​ជា​និមិត្ត​រូប​ឈាន​ទៅ​រក​ភាព​ជោគជ័យ​របស់​កូន​ពួក​យើង​ និង​ភាពរុងរឿង​របស់​ពិភពលោក​របស់​ពួក​យើង​ក្នុង​ពេល​បច្ចុប្បន្ន​នេះ​ជាង​ពេលណាៗ​ទាំង​អស់ ខណៈ​ពេល​ដែល​យើង​កំពុង​ជួប​ប្រទះ​នឹង​បញ្ហា​ជា​ច្រើន​ដូច​ជា ជម្លោះ​ពូជ​សាសន៍ សង្គ្រាម ការ​កើន​ឡើង​កម្ដៅ​ពិភព​លោក និង​ដំណើរ​នៃ​ការ​ផុត​ពូជ​ជាដើម។

បុគ្គលម្នាក់ៗ អង្គភាពនីមួយៗ  និង​រដ្ឋាភិបាល កំពុង​ព្យាយាម​ស្វែង​រក​ឃើញ​នូវ​ដំណោះ​ស្រាយ​ថ្មីៗ​ជា​រៀង​រាល់​ថ្ងៃ។

យោងតាម​មូល​និធិ​សិល្បៈ​កុមារ​អន្តរជាតិ បាន​បង្ហាញ​ពី​ការ​ស្រាវជ្រាវ​មួយ​ថា កុមារ​ដែល​ទទួល​មាន​សមត្ថភាព​ពិសេស​ក្នុង​វិស័យ​សិល្បៈ មាន​សមត្ថភាព​ពិសេស​ក្នុង​ការ​គិត​ពី​ភាព​ច្នៃ​ប្រឌិត​ថ្មីៗ ភាព​ជា​ម្ចាស់​ដើម​នៃ​សមិទ្ធិផល​ណា​មួយ ការ​រក​ឃើញ និង​ការ​បង្កើត​កម្មសិទ្ធិ​បញ្ញា ដែល​ជា​បង្ហាញ​ពី​ភាព​ជោគជ័យ​ផ្ទាល់​ខ្លួន និង​ភាព​រីក​ចម្រើន​នៅ​ក្នុង​សង្គម​នា​សតវត្សន៍ទី ២១។

សិល្បៈជួយជំរុញទំនាក់ទំនងផ្នែកប្រព័ន្ធប្រសាទ

សិល្បៈ គឺ​ជា​សកម្មភាព​មួយ​ដែល​អាច​ប្រើ​វិញ្ញាណ​ទាំង​អស់​ដូច​ជា ចក្ខុ​វិញ្ញាណ សោតវិញ្ញាណ កាយវិញ្ញាណ និង​ជីវ្ហាវិញ្ញាណ អាស្រ័យ​លើ​សកម្មភាព​ណា​មួយ។

សិល្បៈជួយជំរុញជំនាញនៃការគិត និងធ្វើសកម្មភាព

ពេល​ដែល​ក្មេង​ម្នាក់​រៀន​ពី​របៀប​នៃ​ការ​គ្រប់​គ្រង​ការ​គូស​វាស ​នោះ​ពួក​គេ​នឹង​បង្កើត​បាន​នូវ​រូប​រាង​ជា​ច្រើន​ផ្សេងៗគ្នា ដោយ​ពេល​ខ្លះ រូប​រាង​ទាំង​អស់​នោះ​អាច​មាន​សារសំខាន់​ដល់​ការ​សរសេរ​ជា​អក្សរ​នៃ​អក្ខរក្រម​ណា​មួយ។

សិល្បៈជួយអភិវឌ្ឍសមត្ថភាពដោះស្រាយបញ្ហា

សិល្បៈ​បែប​បើក​ចំហរ ឬ​សិល្បៈ​បែប​ច្បាស់​លាស់ គ្មាន​អ្វី​ផ្សេង​ក្រៅ​ពី​ឱកាស​ក្នុង​ការ​ជ្រើស​រើស​មិន​ឈប់​ឈរ ការ​បញ្ចប់​សេចក្ដី​ណា​មួយ ការ​សម្រេច​ចិត្ត​ពី​ការ​ទាយ​លើ​ទី​ពីរ និង​លទ្ធផល​នៃ​ការ​វាយ​តម្លៃ។

កុមារ​កាន់​តែ​មាន​អារម្មណ៍​ងាយ​ស្រួល​ជាមួយ​នឹង​អ្វី​ដែល​មិន​ប្រាកដ ហើយ​នៅ​តែ​រក្សា​ខ្លួន​ជា​អ្នក​គិត​ដែល​ចេះបត់​បែន​តាម​កាលៈ​ទេសៈ ដែលទាំង​នេះហើយ​គឺ​ជា​គន្លឹះ​នៃ​ភាព​ច្នៃ​ប្រឌិត និង​ទំនុកចិត្ត។

ហើយ​ពេល​ដែល​ពួក​គេ​មាន​បទ​ពិសោធន៍​កាន់​តែ​ច្រើន​ជាមួយ​នឹង​សម្ភារ និង​វិធី​សាស្ត្រ​ផ្សេងៗ ពួក​គេ​ក៏​ទំនង​ជា​អាច​សាក​ល្បង​ប្រើ​ការ​បង្កើត​ថ្មី ឬ​គំនិត​ថ្មី​បាន​ផង​ដែរ។

សិល្បៈអាចជួយឱ្យក្មេងៗយល់ពីខ្លួនរបស់ពួកគេ និងពិភពលោករបស់ពួកគេ

ក្មេងៗ​មាន​សមត្ថភាព​អាច​ទទួល​យក​ព័ត៌មាន​ថ្មីៗ​ដ៏​ច្រើន ហើយ​ពួក​គេ​ត្រូវ​ការ​អនុវត្ត​នូវ​អ្វី​ដែល​ពួក​គេ​បាន​រៀន​ក្នុង​វិធី​ដែល​មាន​សុវត្ថិភាព និង​រហ័ស​បំផុត។

សិល្បៈ អនុញ្ញាត​ឱ្យ​ពួក​គេ​អាច​ស្វែង​រក​នូវ​អារម្មណ៍ និង​ការ​ដោះ​ស្រាយ​ជីវិត​រស់​នៅ​ប្រចាំ​ថ្ងៃ និង​ព្រឹត្តិការណ៍​សំខាន់ៗ​ក្នុង​ជីវិត​របស់​ពួក​គេ។

សិល្បៈគឺជារបស់ម្យ៉ាងដែលផ្តល់អារម្មណ៍សុវត្ថិភាពដល់កុមារ។

អារម្មណ៍ និង​គំនិត​អាច​ត្រូវ​បាន​កាត់​បន្ថយ​ក្នុង​ទំហំ​នៃ​ការ​គ្រប់គ្រង និង​រៀប​ចំ​តាម​ការ​ចង់​បាន។

ចលនា រូបភាព ពណ៌ ខ្សែបន្ទាត់​ និង​ការ​ស្រមើស្រមៃ អាច​ជួយ​ឱ្យ​ក្មេងៗ​បង្ហាញ​ពី​ពួក​គេ​ក្នុង​វិធី​ផ្សេងៗ​ ដែល​វិធី​ដែល​គេ​មិន​អាច​ប្រើ​ពាក្យ​សម្ដី ឬ​ក៏វិធី​ដែល​អាច​ផ្ដល់​នូវ​អារម្មណ៍​កក់​ក្ដៅ​ដល់​ពួក​គេ​ជាង​ការ​ប្រើ​ពាក្យ​សម្ដី។

នៅពេល​ដែល​ពួក​យើង​លើក​ទឹក​ចិត្ត​កូនៗ​របស់​ពួក​យើង​ឱ្យ​ចេះ​ស្វែង​រក​នូវ​សិល្បៈ គឺ​បាន​ន័យ​ថា​យើង​លើក​ទឹក​ចិត្ត​ពួក​គេ​ឱ្យ​ចេះ​ម្ចាស់​ការ​លើ​ខ្លួន​របស់​ពួក​គេ រូប​រាង​របស់​ពួក​គេ វត្ថុ​ដែល​គេ​ប្រើ និង​វិធី​សាស្ត្រ​ដែល​គេ​ប្រើ។

យើង​បាន​ផ្តល់​នូវ​មធ្យោបាយ​ជា​ច្រើន​ដើម្បី​ឱ្យ​ពួក​គេ​អាច​បង្ហាញ​ពី​ខ្លួន​របស់​ពួក​គេ។

ក្នុង​នាម​ជា​ឪពុក​ម្តាយ និង​ជា​គ្រូ​បង្រៀន យើង​អាច​ផ្តល់​ឱ្យ​ពួក​គេ​នូវ​បរិយាកាស​មួយ​ដែល​មាន​សុវត្ថិភាព​ដើម្បី​ពិសោធន៍ បង្កើត​អ្វី​មួយ ដែល​ពួក​គេ​អាច​សួរ​សំណួរ​បាន និង​អាច​ប្រើ​ប្រាស់​សម្ភារ​ដែល​គេ​ត្រូវ​ការ​។

អ្វីដែល​យើង​ធ្វើ​ទាំង​អស់​នេះ​មិនមែន​ដើម្បី​ឱ្យ​ពួក​គេ​មាន​អាជីព​ជា​សិល្បករ​ទេ តែ​ពួក​យើង​ចង់​ចិញ្ចឹម​កូន​ដែល​មាន​ជំនឿ​ចិត្ត និង​មាន​ភាព​កក់​ក្ដៅ​ចំពោះ​អ្វី​ដែល​ពួក​គេ​បាន​បង្កើត​ក្នុង​ទម្រង់​ផ្សេងៗ។

សិល្បៈជួយឱ្យក្មេងមានទំនាក់ទំនងល្អ

សិល្បៈ គឺ​ឧបករណ៍​សម្រួល​មួយ​ដែល​ជួយ​បង្កើត​ចំណង់​ចំណូល​ចិត្ត​ដែល​ដូច​គ្នា​សម្រាប់​កុមារ​ដែល​មិន​ដែល​ស្គាល់​គ្នា និង​កុមារ​ដែល​មាន​ចំណង់​ចំណូល​ចិត្ត​ដូច​គ្នា ឬ​ខុស​គ្នា​ជាដើម។

វា​អាច​ជួយ​មនុស្ស​គ្រប់​វ័យ គ្រប់​ជាតិ​សាសន៍ គ្រប់​សមត្ថភាព និង​គ្រប់​ភាសា​ទាំង​អស់​ឱ្យ​មាន​ទំនាក់​ទំនង​គ្នា​ក្នុង​សកម្មភាព​ដែល​ពួក​គេចូល​ចិត្ត​ធ្វើ​ដូច​គ្នា៕

Contact Us

Address

#168, Street 156
Phnom Penh, Cambodia 
This email address is being protected from spambots. You need JavaScript enabled to view it. 
Make appointment or visit school

Telephone

095 712 165 

Early Childhood Education

Teacher Training

Teacher training for those who may wish to follow Liberty Education's  curriculum can be arranged by appointment. Please contact the school for more information.