ថ្នាក់បឋមសិក្សាភាសាខ្មែរ
សាលាអន្តរជាតិ លីបឺធី យើងខ្ញុំមានបើកថ្នាក់ បឋមសិក្សាភាសាខ្មែរ ដោយមានកម្មវិធីសិក្សាស្រប តាមសាលារដ្ឋ និងទទួលស្គាល់ដោយក្រសួងអប់រំ យុវជន និងកីឡា។ ថ្នាក់នីមួយៗមានគ្រូបង្រៀនដែលមានបទពិសោធន៍ក្នុងការបង្រៀនច្បាស់លាស់ មានវិជ្ជាជីវៈ និងមានគរុកោសល្យត្រឹមត្រូវ។ កម្មវិធីសិក្សាសម្រាប់ថ្នាក់រៀនពេញមួយថ្ងៃមានទាំងភាសាខ្មែរ និងភាសាអង់គ្លេស។
ការលើកទឹកចិត្តសិស្ស
សាលាតែងតែលើកទឹកចិត្តសិស្សឱ្យខិតខំរៀនសូត្រ និងក្លាយជាសិស្សពូកែប្រចាំសាលា និងអាចប្រកួតជាមួយសិស្សសាលាដទៃបាន។ ទន្ទឹមនឹងនេះដែរ យើងខ្ញុំក៏មានការផ្ដល់នូវរង្វាន់លើកទឹកចិត្ត និងបណ្ណសរសើរដល់សិស្សពូកែជារៀងរាល់ឆ្នាំសិក្សាផងដែរ។
ទស្សនកិច្ចសិក្សា
ជារៀងរាល់ឆ្នាំ សាលាតែងតែរៀបចំដំណើរកម្សាន្តជាលក្ខណៈទស្សនកិច្ចសិក្សាសម្រាប់សិស្សានុសិស្សស្វែងយល់ពីបរិយាកាសខាងក្រៅសាលា។ ទីតាំងរមណីយដ្ឋានប្រវត្តិសាស្ត្រត្រូវបានជ្រើសរើសជាអាទិភាពក្នុងការទស្សនាដើម្បីឱ្យពួកគេអាចស្វែងយល់ពីប្រវត្តិសាស្ត្រ និងទីតាំងភូមិសាស្ត្រ ដែលមានការចូលរួមបកស្រាយ និងណែនាំដោយមគ្គុទេសន៍ប្រចាំកន្លែងនោះផ្ទាល់។
ទីតាំង និងបរិក្ខារសិក្សា
បន្ទប់សិក្សានីមួយៗមានផាសុកភាពបំពាក់ទៅដោយម៉ាស៊ីនត្រជាក់ និងមានបរិក្ខារសិក្សាគ្រប់គ្រាន់។យើងក៍មានថ្នាក់រៀនវ័យឆ្លាតសម្រាប់សិស្សសិក្សារៀនសូត្រ។
មុខវិជ្ជាស្នូល
សាលាផ្ដោតសំខាន់លើការសិក្សាមុខវិជ្ជាភាសាខ្មែរ និងគណិតវិទ្យាដែលជាមុខវិជ្ជាដ៏ចាំបាច់ក្នុងការសិក្សាមុខវិជ្ជាដទៃទៀត។ ភាសាខ្មែរជួយឱ្យសិស្សមានសមត្ថភាពក្នុងការអាន សរសេរ ស្ដាប់ និងនិយាយបានស្ទាត់ជំនាញ។ ចំណែកឯគណិតវិទ្យាវិញជួយសិស្សក្នុងការគិតលេខ និងហ្វឹកហាត់ខួរក្បាលបានស្ទាត់ជំនាញ។
កម្មវិធីសិក្សា
| មុខវិជ្ជាសិក្សា | ភាសាខ្មែរ គណិតវិទ្យា សិក្សាសង្គម វិទ្យាសាស្ត្រ អប់រំកាយ និងកីឡា សិល្បះ តន្រ្តី |
| ម៉ោងសិក្សា | ថ្ងៃចន្ទ ដល់ថ្ងៃសុក្រ ចាប់ពីម៉ោង ៧ ព្រឹក ដល់ ១១ ព្រឹក និងពេលរសៀលចាប់ពីម៉ោង ១ ដល់ម៉ោង ៥ ល្ងាច |
លក្ខខណ្ឌចូលរៀន
សិស្សដែលអាចចុះឈ្មោះចូលរៀនថ្នាក់បឋមសិក្សាថ្នាក់មត្តេយ្យ ត្រូវមានអាយុ ៣ ឆ្នាំ សំបុត្រកំណើត សៀវភៅចាក់ថ្នាំបង្ការជំងឺផ្សេងៗ និងរូបថតពីរសន្លឹក។
បវេសនកាលឆ្នាំសិក្សាថ្មី
ចាប់ផ្ដើមទទួលចុះឈ្មោះសិស្សសម្រាប់បវេសនកាលឆ្នាំសិក្សាថ្មីចាប់ពីថ្ងៃនេះតទៅ។
ការអប់រំពិសេស
យើងក៍មានការគាំទ្រការជួយសហការដល់ការសិក្សារបស់ពួកគេផងដែរ។សូមសួរអំពីសេវាកម្មបន្ថែមទាំងនេះ។យើងក៍មានជំនួយការខ្មែរនិងបរទេសដើម្បីមើលសិស្សផងដែរ។
ជារួមមក
សាលាអន្តរជាតិលីបឺធីផ្តល់នូវការអប់រំបឋមសិក្សាខ្មែរយ៉ាងទូលំទូលាយដោយផ្តោតលើឧត្តមភាពសិក្សា ការពង្រីងវប្បធម៏ និង សុខុមាលភាព។យើងមានអាញ្ញាបណ្ណគ្រូខ្មែរ សម្ភារះគ្រឿងបរិក្ខារទំនើប និងកម្មវិធីសិក្សាដែលចូលរួមបង្កើតបរិយាកាសសិក្សាទាក់ទាញសម្រាប់អ្នកសិក្សាវ័យក្មេង។
