គន្លឹះបណ្ដុះឱ្យកុមារស្រឡាញ់ការអាន
ការអានសៀវភៅឮៗឱ្យកូនៗស្ដាប់ពេលដែលពួកគេនៅតូចៗ គឺជាវិធីសាស្ត្រដ៏មានប្រសិទ្ធភាពបំផុតដើម្បីជួយពួកគេក្នុងការចេះពាក្យថ្មីៗ និងចំណាំពាក្យសរសេរកាន់តែច្រើន។ ការអានក៏អាចធ្វើឱ្យកុមារចេះស្រមើស្រមៃ និងបន្ថែមការយល់ដឹងពីពិភពដែលគេកំពុងរស់នៅ។
មានវិធីជាច្រើនដើម្បីបញ្ចូលការអានទៅក្នុងគ្រប់ដំណាក់កាលនៃកុមារភាព។ នៅពេលដែលកុមារផ្ដោតលើសកម្មភាពនានានៃអក្ខរកម្ម ពួកគេនឹងចូលចិត្តវា ហើយការអាន គឺជាអ្វីដែលពួកគេនឹងជ្រើសរើស។ សូមអនុវត្តតាមគន្លឹះខាងក្រោម៖
- កំណត់ម៉ោងមើលទូរទស្សន៍ និងកុំព្យូទ័រ ឬឧបករណ៍អេឡិចត្រូនិចនានា ដោយជំនួសមកវិញនូវការអាន។
- ធ្វើជាគំរូដល់កូន។ ពួកគេនឹងឱ្យតម្លៃការអាននៅពេលដែលពួកគេឃើញអ្នកធ្វើជាគំរូក្នុងការអាន។
- អានឱ្យកូនស្ដាប់។ ការអានឱ្យកូនស្ដាប់បង្រៀនកូនឱ្យដឹងថាការអានមានសារសំខាន់ ហើយវាថែមទាំងអាចបើកផ្លូវក្នុងការទំនាក់ទំនងលើប្រធានបទជាច្រើនផងដែរ។
- ចូលបណ្ណាល័យក្នុងស្រុក ស្វែងរកសៀវភៅដែលទាក់ទងនឹងជីវិតរបស់កុមារ ហើយចាប់ផ្ដើមអានសៀវភៅទាំងនោះជាមួយពួកគេ។
ការសិក្សាអក្សរ (អក្ខរកម្ម) ចាប់ផ្ដើមរាប់តាំងពីថ្ងៃទី ១ និងជាមូលដ្ឋានគ្រឹះសម្រាប់ភាពជោគជ័យរបស់កុមារនៅសាលារៀន និងនៅក្នុងជីវិតរបស់ពួកគេ៕
