បង្រៀនកូនៗឱ្យយល់តម្លៃរបស់ "លុយ"

on Friday, 27 November 2015. Posted in Parenting Tips

Teaching kids how to save money

"លុយមិនអាចទិញសុភមង្គលបានទេ តែបើគ្មានលុយ សុភមង្គលក៏គ្មានដែរ" នេះគឺជាឃ្លាមួយដែលគេតែងនិយាយតៗគ្នា ហើយលោកអ្នកដែលជាឪពុកម្ដាយ ឬអាណាព្យាបាលគួរតែបង្រៀនកូនៗរបស់អស់លោកអ្នកឱ្យយល់ពីប្រយោគនេះ។ មួយវិញទៀត លោកអ្នកក៏គួរពន្យល់កូនៗឱ្យយល់ច្បាស់ពីតម្លៃ និងសារសំខាន់របស់លុយ ដើម្បីឱ្យពួកគេអាចគ្រប់គ្រងលុយប្រកបដោយជោគជ័យ និងវៃឆ្លាត។ ខាងក្រោមនេះ គឺជាគន្លឹះខ្លះដែលលោកអ្នកអាចបង្រៀនកូនៗឱ្យស្គាល់ និងយល់ថាលុយដែលពួកគេកំពុងចាយមានន័យយ៉ាងណា។

ផ្ដល់លុយចាយដោយមានចំនួនកំណត់៖ លោកអ្នកគួរឱ្យលុយពួកគេសម្រាប់ចំណាយប្រចាំថ្ងៃ ប្រចាំសប្ដាហ៍ ឬប្រចាំខែដោយចំនួនតិច តែសមល្មមក្នុងការចាយ ដែលនេះជាមធ្យោបាយមួយអាចឱ្យពួកគេយល់ពីតម្លៃនៃលុយ ហើយពួកគេប្រាកដជាមិនខ្ជះខ្ជាយលុយកាក់នោះឡើយ។ ប៉ុន្តែ ប្រសិនបើអ្នកដៃទូលាយ កូនសុំប៉ុន្មាន ក៏ឱ្យប៉ុណ្ណឹង ច្បាស់ជាធ្វើឱ្យកូនទម្រើស ចាយលុយខ្ជះខ្ជាយមិនខាន។
បើពួកគេចង់បានអ្វី ត្រូវចេះសន្សំលុយទិញដោយខ្លួនឯង៖ ក្មេងៗមួយចំនួនតែងតែចង់បានសម្ភារលេងថ្មីជានិច្ច ហើយសម្ភារៈទាំងនោះមានដូចជាម៉ាស៊ីនហ្គេម តុក្កតា ឬស្គីជាដើម។ លោកអ្នកត្រូវណែនាំពួកគេឱ្យចេះសន្សំលុយដើម្បីទិញសម្ភារដែលពួកគេចង់បាន។ ពួកគេអាចយកលុយចំណាយប្រចាំថ្ងៃដើម្បីសន្សំ។ មួយវិញទៀត ប្រសិនបើលោកអ្នកចង់ជួលពួកគេធ្វើកិច្ចការជុំវិញផ្ទះស្រាលៗ ត្រូវប្រាកដថាលោកអ្នកឱ្យថ្លៃឈ្នួលតិចជាងអ្នកជិតខាង។
ជំរុញ ឬលើកទឹកចិត្តពួកគេឱ្យចេះបរិច្ចាគ៖ លោកអ្នកត្រូវបង្រៀនកូនៗឱ្យស្គាល់ភាពក្រីក្រ ហើយបង្ហាញពួកគេថា លុយបន្តិចបន្តួចរបស់ពួកគេអាចផ្លាស់ប្ដូរជីវិតនរណាម្នាក់ឱ្យប្រសើរឡើង។ វិធីសាស្រ្តនេះអាចឱ្យពួកគេស្គាល់តម្លៃលុយ ហើយថែមទាំងមានចិត្តល្អ និងសណ្ដោសទៀតផង។
បើកគណនីសន្សំក្នុងធនាគារឱ្យពួកគេ៖ ពេលកូនៗរបស់លោកអ្នកធំពេញវ័យហើយ លោកអ្នកអាចបើកគណនីសន្សំប្រាក់នៅធនាគារឱ្យពួកគេដើម្បីឱ្យពួកគេអាចទទួលបានការប្រាក់ពីការសន្សំ និងអាចជួយឱ្យពួកគេយល់ពីដំណើរការនៃប្រព័ន្ធហិរញ្ញវត្ថុ។
ត្រូវឱ្យពួកគេរួមចំណែកក្នុងការសន្សំលុយទុកបង់ថ្លៃឈ្នួលសាលា៖ ថ្លៃឈ្នួលសាលាដែលមានតម្លៃថ្លៃៗបានដាក់សម្ពាធដល់មាតាបិតាទាំងឡាយ ដូច្នេះ ពួកគេអាចឱ្យកូនៗចេះសន្សំលុយរៀងៗខ្លួនបន្ថែមដើម្បីចូលរួមចំណែកបង់ថ្លៃសាលា៕

ដកស្រង់ និងប្រែសម្រួលពីសៀវភៅ 925 Ideas to Help You Save Money, Get Out of Debt and Retire a Millionaire

Continue Reading Leave Comment

ធ្វើម៉េចទើបអាចដោះស្រាយបញ្ហាសុបិនអាក្រក់របស់កុមារបាន?

on Tuesday, 10 November 2015. Posted in Parenting Tips

ស្ទើរតែគ្រប់កុមារ និងមនុស្សពេញវ័យជួបប្រទះនឹងការគេង ហើយសុបិនអាក្រក់។ សុបិនអាក្រក់នោះអាចធ្វើឱ្យកុមារភ្ញាក់ពីគេងភ្លាមៗប្រកបដោយភាពតក់ស្លុត និងមើលទៅដូចជាមានទុក្ខកង្វល់ខ្លាំងណាស់ ដែលបញ្ហាទាំងនេះតម្រូវឱ្យលោកអ្នកផ្ដល់ការថ្នាក់ថ្នម លួង និងយកចិត្តទុកដាក់ខ្ពស់លើពួកគេឱ្យពួកគេចូលគេងវិញតាមធម្មតា។

getty rm photo of little boy waking from nightmare

តើអ្វីជាសុបិនអាក្រក់?
សុបិនអាក្រក់ គឺជារូបភាព ឬព្រឹត្តិការណ៍ណាមួយដែលបានផុសឡើងនៅក្នុងខួរក្បាលពេលដែលអ្នកកំពុងគេងលក់ ហើយអាចកើតឡើងពី 20 ទៅ 50 ភាគរយសម្រាប់កុមារអាយុពី 3 ទៅ 6 ឆ្នាំ។

មូលហេតុនាំឱ្យកើតមានសុបិនអាក្រក់៖

មកពីចាស់ៗអានសៀនភៅរឿងខ្មោចឱ្យពួកគេស្ដាប់មុនចូលគេង
មើលរឿង ឬកម្មវិធីទូរទស្សន៍បែបរន្ធត់ៗ ដែលធ្វើឱ្យដក់ជាប់ក្នុងខួរក្បាលក្មេងៗ និងធ្វើឱ្យពួកគេយល់សប្តអាក្រក់
មកពីគេហត់នឿយខ្លាំងពេក
មកពីពួកគេមានអារម្មណ៍តប់ប្រមល់នៅពេលថ្ងៃ ដូចជាទើបចាប់ផ្ដើមចូលរៀនថ្ងៃដំបូង វង្វេងផ្លូវ ត្រូវបានគេបំពាន ឬគំរាមកំហែង
មានការស្រមើស្រមៃខ្ពស់ពេក
មានភាពតានតឹងក្នុងគ្រួសារ ដោយកុមារខ្លះចូលចិត្តព្រួយបារម្ភពីទំនាក់ទំនងរបស់ឪពុកម្ដាយ ក្នុងករណីដែលគេស្ថិតក្នុងជំលោះណាមួយដែលឪពុកម្ដាយគេបង្កជាដើម ឧទាហរណ៍ ជម្លោះក្នុងគ្រួសារ

វិធីដោះស្រាយ៖
ជាទូទៅ ការយល់សប្ដអាក្រក់មិនមែនសុទ្ធតែបណ្ដាលមកពីបញ្ហាផ្លូវចិត្តទាំងស្រុងនោះទេ តែវាអាចបណ្ដាលមកពីដំណើរការខួរក្បាលដែលទទួលបានព័ត៌មានផ្សេងៗនៅពេលថ្ងៃ។

ប្រសិនបើកូនៗលោកអ្នកយល់សប្តអាក្រក់ញឹកញាប់ នោះប្រហែលជាបណ្ដាលមកពីសម្ពាធណាមួយប៉ះពាល់លើរូបគេហើយ ដូច្នេះ លោកអ្នកគួរតែព្យាយាមស្វែងយល់ និងជីកកកាយឱ្យដឹងពីប្រភពនៃកង្វល់របស់ពួកគេ រួចសឹមព្យាយាមជួយពួកគេ។
ប្រសិនបើកូនៗរបស់លោកអ្នកធ្លាប់ជួបប្រទះបញ្ហាដែលប៉ះពាល់ដល់ផ្លូវចិត្ត និងសតិអារម្មណ៍ សូមព្យាយាមពន្យល់ពួកគេ និងថ្នាក់ថ្នមពួកគេឱ្យបានធូរស្រាល និងឱ្យពួកគេគេងលក់ស្កប់ស្កល់វិញ។
ប្រសិនបើកូនៗរបស់លោកអ្នកស្រាប់តែភ្ញាក់ពីគេងដោយសារយល់សប្ដអាក្រក់ សូមលួងពួកគេដោយប្រាប់ថានោះគ្រាន់តែជាសុបិនអាក្រក់ប៉ុណ្ណោះ ហើយប្រាប់ពួកគេថាពួកគេមិនមានបញ្ហាអ្វីទេ។ បន្ទាប់មកទៀត សូមថើប និងឱបពួកគេឱ្យចូលគេងវិញ។
ប្រសិនបើកូនៗរបស់លោកអ្នកចង់ប្រាប់លោកអ្នកពីសុបិនអាក្រក់របស់ពួកគេ សូមអនុញ្ញាតឱ្យពួកគេប្រាប់អ្នក ព្រោះនេះជាវិធីមួយដែលធ្វើឱ្យពួកគេស្ងប់ចិត្តបាន។
ប្រសិនបើកូនៗរបស់លោកអ្នកយល់សប្ដអាក្រក់ព្រោះតែពួកគេមិនមានអារម្មណ៍សុវត្ថិភាព ត្រូវសួរពួកគេថាតើអ្នកគួរធ្វើយ៉ាងណាទើបអាចឱ្យពួកគេមានអារម្មណ៍ថាមានសុវត្ថិភាពជាងមុន ហើយព្យាយាមផ្លាស់ប្ដូរទៅតាមការរៀបរាប់របស់ពួកគេ ដោយប្រាកដថាអាចធ្វើឱ្យពួកគេគេងលក់ស្រួល និងមិនមានបញ្ហាប៉ះពាល់ដល់សតិអារម្មណ៍ និងខួរក្បាលរបស់ពួកគេឡើយ។

សូមកុំយកសុបិនអាក្រក់របស់កុមារមកលេងសើចឱ្យសោះ។ វាអាចជារឿងធម្មតាសម្រាប់មនុស្សធំ តែចំពោះក្មេងៗវិញ វាជាបញ្ហាដ៏គួរឱ្យភ័យខ្លាចបំផុត៕
ប្រភព៖ Kidspot

Continue Reading Leave Comment

ធ្វើយ៉ាងណាទើបក្លាយជាម្ដាយរីករាយ?

on Wednesday, 28 October 2015. Posted in Parenting Tips

happy mom bed 2011 76340687

ម្ដាយតែងតែមានការងារមមារញឹកជាប្រចាំ បើមិនការងារក្នុងផ្ទះ ក៏ការងារក្រៅផ្ទះដែរ ហើយការងារទាំងនោះក៏តែងតែធ្វើឱ្យពួកគេមានភាពស្មុគស្មាញក្នុងចិត្តផងដែរ។ ដើម្បីឱ្យកង្វល់ទាំងនោះរសាយទៅ យើងខ្ញុំសូមបង្ហាញចំណុចមួយចំនួនដែលអាចជួយមាតាទាំងឡាយឱ្យមានភាពរីករាយឡើងវិញ។

1. ស្វែងរកជំនួយ៖
ម្ដាយដែលរីករាយ មិនដែលខ្លាចនឹងនិយាយសុំការជួយពីគ្រួសារ ឬមិត្តភក្ដិឡើយ គឺពួកគេគ្រាន់តែនិយាយថា "ជួយមើលកូនឱ្យខ្ញុំបន្តិច" នៅពេលដែលរវល់ដកឃ្លាមិនរួច នោះប្រាកដជាមានអ្នកជួយជាមិនខាន។ ដូច្នេះ អ្នកក៏មិនសូវស្មុគស្មាញរឿងការងារផង និងរឿងកូនផងនោះទេ។

2. ចេញក្រៅដើម្បីស្រូបយកខ្យល់អាកាស៖
នៅក្នុងផ្ទះយូរពេក អាចនាំឱ្យមានភាពតានតឹង និងអារម្មណ៍អាប់អួរ។ ប្រសិនបើបានចេញក្រៅឃើញពន្លឺថ្ងៃ ស្រូបខ្យល់អាកាស និងដើរកម្សាន្តឱ្យធូរអារម្មណ៍ នោះចិត្តរបស់លោកអ្នកក៏រីករាយស្រស់ថ្លាតាមនោះដែរ។

3. មានស្វាមីដែលផ្ដល់ភាពរីករាយជានិច្ច៖
ជាការពិតណាស់ ពេលដែលអ្នកមានស្វាមីល្អ អារម្មណ៍សប្បាយជានិច្ច នោះអ្នកប្រាកដជាសប្បាយចិត្តតាមផងដែរ។

4. ញ៉ាំ គេង និងធ្វើខ្លួនឱ្យរីករាយ៖
ក្នុងរយៈពេលនៃការមើលថែកូនដែលទើបកើត អាចឱ្យអ្នកមិនមានពេលសម្រាក ឬគេងគ្រប់គ្រាន់ ប៉ុន្តែ ពួកគេធំលូតលាស់លឿនណាស់ ដូច្នេះ អ្នកក៏អាចសម្រាកពេលគ្រប់គ្រាន់ផងដែរ។ សូមកុំភ្លេចទទួលទានអាហារឱ្យបានឆ្ងាញ់ និងគេងឱ្យបានស្កប់ស្កល់ នោះអារម្មណ៍របស់លោកអ្នកប្រាកដជាមានភាពស្រស់ស្រាយ។

5. ធ្វើល្អជាមួយអ្នកជិតខាង៖
ការជួយគ្នាជាទង្វើល្អ ហើយការដែលអ្នកចេះជួយយកអាសារអ្នកជិតខាង មិនថារឿងតូច ឬធំ នោះពេលដែលអ្នកមានបញ្ហាពួកគេប្រាកដជាជួយអ្នកវិញមិនខាន។

6. ស្រឡាញ់អ្វីដែលខ្លួនមាន៖
ការច្រណែនលើអ្នកដែលមានអ្វីដែលយើងមិនមាន នោះវារឹតតែធ្វើឱ្យអ្នកមានភាពក្ដៅក្រហាយក្នុងខ្លួន មិនសប្បាយចិត្តប៉ុណ្ណោះ។ ចូរស្រឡាញ់អ្វីដែលខ្លួនកំពុងមាន មិនថារបស់នោះតូច ធំ ថោកឬថ្លៃឡើយ ប៉ុន្តែ កុំភ្លេចព្យាយាមអភិវឌ្ឍខ្លួនឱ្យប្រសើរជាងនេះមួយកម្រិតទៀត។

7. ដើរកម្សាន្តជាមួយមិត្តភក្ដិស្រីៗ៖
ម្ដាយដែលរីករាយភាគច្រើនមានមិត្តភក្ដិដែលជាម្ដាយរីករាយដូចគ្នា។ ពួកគេតែងតែចែករំលែកបទពិសោធន៍ក្នុងការមើលថែទាំកូនទៅវិញទៅមក។ អ្នកអាចណាត់មិត្តភក្ដិស្រីៗទាំងនោះទៅដើរកម្សាន្តមួយខែម្ដងក៏បានដើម្បីភាពជិតស្និទ្ធរវាងមិត្តភក្ដិ និងអាចផ្លាស់ប្ដូរយោបល់គ្នាអំពីជីវិត និងជីវភាពគ្រួសារផងដែរ។

8. រៀបផែនការផ្ទាល់ខ្លួនដើម្បីឱ្យស្រស់ស្រាយអារម្មណ៍៖
បន្ទាប់ពីបំពេញការងារនឿយហត់ហើយ សូមសាកល្បងទៅញ៉ាំអាហារនៅក្រៅ ទៅម៉ាស្សាមុខ ទៅហែលទឹក ឬទៅមើលកុនក៏បាន ព្រោះសកម្មភាពទាំងនេះអាចជួយលោកអ្នកឱ្យមានអារម្មណ៍ល្អ។

ប្រភព៖ Parents.com

Continue Reading Leave Comment

Free Parent-Child Workshop at Liberty International School

on Sunday, 06 January 2013. Posted in Activities

Topic 1 of 4: Teaching Your Child How to Speak

Parent-Child Workshop Liberty Internationals School Phnom Penh Cambodia

Liberty International School is holding a series of parent-child workshops at our campus. The workshop will start on January 12, 2013. The first topic of the 4-part series is "Helping Your Child Learn How to Speak". It is for parents of toddlers who are learning how to talk.

We will only be able to accommodate 6 parent-child pairs for each session so it is important that you register with the receptionist on or before January 10, 2013. Please choose which session you would like to attend.

First Session - 9:00 - 10:30

Second Session - 10:30 - 12:00

The workshop will be facilitated by Mrs. Gabrielle Ek.

Continue Reading Leave Comment

Articles tagged with: children

បង្រៀនកូនៗឱ្យយល់តម្លៃរបស់ "លុយ"

ធ្វើម៉េចទើបអាចដោះស្រាយបញ្ហាសុបិនអាក្រក់របស់កុមារបាន?

ធ្វើយ៉ាងណាទើបក្លាយជាម្ដាយរីករាយ?

Free Parent-Child Workshop at Liberty International School

LMS - Digital Curriculum Library

Address

Contact Us

Teacher Training