• Arts and Musics
  • Mathematics and the Sciences
  • Bilingual Education
  • Preparing for the Future

(ENG)

ការ​ប្រឡង​​ចូល​​រៀន​​នឹង​​កំណត់​​ពី​​កម្រិត​​សិក្សា​​របស់​​កូន​​របស់​​លោក​​អ្នក​​នៅ​​សាលា​អន្តរជាតិ លីបឺធី។

ថ្នាក់​មត្តេយ្យ​ពេញ​មួយ​ថ្ងៃ​សិក្សា​ចាប់​ពី​ម៉ោង 8 ព្រឹក​ដល់​ម៉ោង 5 ល្ងាច។ សិស្ស​ទទួល​បាន​នូវ​ការ​ណែនាំ​ពី​ការ​សិក្សា​ជំហាន​ដំបូង​ផង និង​សកម្មភាព​សិក្សា​ដោយ​ផ្អែក​លើ​សកម្មភាព​សិល្បៈ​ផង។

អាហារ​សម្រន់​សម្រាប់​ពេល​ព្រឹក និង​ពេល​រសៀល​ត្រូវ​បាន​បន្ថែម​ទៅ​លើ​អាហារ​ថ្ងៃ​ត្រង់​ដែល​ផ្ដល់​សុខ​ភាព​ល្អ​ដល់​កុមារ ហើយ​ពួក​គេ​ក៏​មាន​ពេល​គេង​សម្រាក​នៅ​ពេល​ថ្ងៃ​ត្រង់​ផង​ដែរ។

ការ​ចុះឈ្មោះ​ចូល​រៀន៖ យើងខ្ញុំ​មាន​លំហាត់​សមត្ថភាព និង​ចំណេះដឹង​ដើម្បី​ដឹង​ពី​កម្រិត​ដែល​សិស្ស​មាន​សមត្ថភាព​អាច​ចូល​រៀន​បាន ដោយ​ផ្អែក​លើ​អាយុ និង​សមត្ថភាព​ភាសា។

កម្មវិធី​សិក្សា៖ ភាសា​អង់គ្លេស គណិតវិទ្យា សិល្បៈ និង​ហត្ថកម្ម វិទ្យាសាស្ត្រ តន្រ្តី និង​វិន័យ។

វិន័យ និង​ទម្លាប់៖ ជំនាញ​​សង្គម ជំនាញ​​បំណិន​ជីវិត​រួម​ផ្សំ​ជាមួយ​នឹង​ភាព​ឯករាជ្យ សេរីភាព​ដែល​មានការ​កំណត់ និង​សេចក្ដី​គោរព​សម្រាប់​ការ​អភិវឌ្ឍ​ចិត្ត​សាស្ត្រ​របស់​កុមារ។

ភាសា/ភាសាអង់គ្លេស៖ជំនាញ​អក្ខរកម្ម​ត្រូវ​បាន​បង្ហាញ​ឡើង​តាម​រយៈ​ការ​លេង​ហ្គេម​ជា​ភាសា រឿង​ កំណាព្យ ចម្រៀង ភ្លេង ពាក្យ​បណ្ដៅ និង​ការ​ហាត់​រៀន​អក្សរ។ សិស្ស​ដែល​រៀន​ភាសា​ត្រូវ​សិក្សា​ពី​ព្យញ្ជនៈ​ សំឡេង​របស់​តួ​អក្សរ​ និង​ការ​សម្គាល់​តួ​អក្សរ។ កុមារ​ត្រូវ​បាន​ជំរុញ​ឱ្យ​ចេះ​សម្គាល់​ និងសរសេរ​ឈ្មោះ​របស់​ពួកគេ។

ជំនាញ​វិទ្យាសាស្ត្រ៖ជំនាញ​វិទ្យាសាស្ត្រ​ដែល​ពួកគេ​សិក្សា​អាច​ឱ្យ​ពួក​គេ​ស្គាល់​ពី​ពិភពលោក​ជុំវិញ​ខ្លួន​ពួក​គេ និង​ដឹង​ថា​តើ​ពួកគេ​អាច​រស់​នៅ​ក្នុង​បរិស្ថាន​នោះ​ដោយ​របៀប​ណា។ ការ​ស្ទាបប៉ះ​វត្ថុ​ណា​មួយ​អាច​ឱ្យ​កុមារ​រៀន​បង្កើត​ទំនាក់​ទំនង​បាន​ច្រើន​វិធី។ ជាមួយ​នឹង​ការ​ប្រើម្រាម​ដៃ​ដើម្បី​លាប​ពណ៌ លេង​ទឹក និង​ដី​ខ្សាច់​សុទ្ធ​តែ​ជា​ឱកាស​ដែល​នាំ​ឱ្យ​ពួក​គេ​អាច​ធ្វើ​ការ​ទាយ និង​សង្កេត​​ពី​​បំលាស់​ប្ដូរ​នានា។

គណិតវិទ្យា៖មេរៀន​គណិត​វិទ្យា​ដែល​មាន​ដូចជា ការ​រាប់​លេខ ផ្ទៃ ទំហំ ពណ៌ និង​រូបរាង​ត្រូវ​បាន​ដាក់​ឱ្យ​សិក្សា​តាម​រយៈ​ហ្គេម និង​លំហាត់​គណនា។ នៅ​ក្នុង​ថ្នាក់​នីមួយៗ​មាន​ការ​សរសេរ​លេខ និង​លំហាត់​ផ្គូរ​ផ្គង។ សិស្សានុសិស្ស​នៅ​ថ្នាក់​មត្តេយ្យសិក្សា​ពី​ការ​រាប់​លេខ និង​កិច្ចការ​ផ្សេង​ទៀត ដូច​ជា​ការ​រាប់លេខ​ដល់ 100 ការ​រាប់​លេខ​ម្ដង​ពីរ ម្ដង​ប្រាំ និង​ម្ដង​ដប់ ការ​សម្គាល់ និង​សរសេរ​លេខ។

សិល្បៈ និង​ហត្ថកម្ម៖យើង​ខ្ញុំ​តែង​តែ​លើក​ទឹក​ចិត្ត​សិស្ស​ឱ្យ​មាន​ចិត្ត​ប្រកប​ដោយ​សិល្បៈ។ យើង​តែងតែ​បង្រៀន​សិស្ស​ប្រកប​ជាមួយ​នឹង​វិធីសាស្ត្រ​បង្រៀន និង​ខ្លឹមសារ​មេរៀន​ដែល​ផ្ដល់​នូវ​ការ​សិក្សា​ប្រកប​ដោយ​ការ​កម្សាន្ត​ដូចជា ការ​លាប​ពណ៌ ការ​ផាត់​ពណ៌ ការ​បង្កើត​រូប​សត្វ និង​វត្ថុ​ផ្សេងៗ​ដោយ​ប្រើ​ក្រដាស និង​សម្ភារ​ផ្សេង​ទៀត ហើយ​យើង​ខ្ញុំ​ក៏​តែង​តែ​លើក​ទឹក​ចិត្ត​សិស្ស​ឱ្យ​ចេះ​សហការ​ជាមួយ​សិស្ស​ដទៃ​ទៀត​ដើម្បី​បង្កើន​ទំនាក់​ទំនង​ក្នុង​សង្គម​ឱ្យ​កាន់​តែ​ល្អ​ប្រសើរ។

តន្ត្រី៖យើងខ្ញុំ​ផ្ដល់​នូវ​បរិស្ថាន​សិក្សា​ដែល​មាន​ចម្រៀង និង​តន្រ្តី​ដល់​សិស្ស។ ការ​ស្រាវជ្រាវ​បាន​បង្ហាញ​ថា កុមារ​ដែល​មាន​សកម្មភាព​ពាក់ព័ន្ធ​នឹង​តន្រ្តី​មាន​ជំនាញ​អាន និង​គណិតវិទ្យា​ល្អ​ប្រសើរ​ពេល​ដែល​ពួក​គេ​ចាប់​ផ្ដើម​ចូល​រៀន ដោយ​ពួក​គេ​អាច​ផ្ដោត និង​គ្រប់​គ្រង​ខ្លួន​ពួក​គេ និង​អាច​លេង​ជាមួយ​អ្នក​ដទៃ​ប្រសើរ និង​ប្រកប​ដោយ​ជំនឿ​ចិត្ត​ខ្ពស់៕

Locate us on map

Liberty's Facebook Wall

គន្លឹះមានប្រយោជន៍ក្នុងការអភិវឌ្ឍភាសាសម្រាប់កុមារ 8 Helpful Language Development Tips for Children
2018-09-19T12:36:00+0000
ថ្នាក់អប់រំកុមារតូចនៅសាលាអន្តរជាតិ លីបឺធី មានកម្មវិធីសិក្សាសម្រាប់ថ្នាក់មត្តេយ្យជាលក្ខណៈអន្តរជាតិ មានគ្រូបង្រៀនដែលយកចិត្តទុកដាក់ និងបទពិសោធន៍ក្នុងការបង្រៀន ថ្នាក់នីមួយៗមានចំនួនសិស្សតិច និងមានបរិស្ថានសិក្សាដ៏រីករាយ។ សូមមកកាន់សាលាដោយផ្ទាល់ដើម្បីជ្រាបព័ត៌មានបន្ថែម ឬក៏ទាក់ទងតាមរយៈលេខទូរស័ព្ទ៖ 023 631 2857 / 095 712 165 ។ Early Childhood Education at LIS includes a structured international preschool curriculum, caring and qualified teachers, small class sizes, and a fun environment. Drop by the school for more information. Tel: 023 631 2857 / 095 712 165
2018-09-14T12:32:00+0000
គន្លឹះទាំង ៨ ក្នុងការជួយកូនៗឱ្យមានភាពឯករាជ្យ Top 8 Tips To Make Your Child Independent Read @ https://goo.gl/P6zFQy
2018-09-05T07:36:59+0000