គោលបំណង (ENG)
សាលាអន្តរជាតិ លីបឺធី ជឿជាក់ថា សារសំខាន់នៃគុណភាពអប់រំអាចផ្ដល់ជូននូវមូលដ្ឋានគ្រឹះសម្រាប់សិស្សក្នុងភាពជោគជ័យនាពេលអនាគត។ យើងខ្ញុំព្យាយាមយ៉ាងមុះមុតក្នុងការចែករំលែកនូវបរិយាកាសសម្បូរដោយអ្នកសិក្សាជាមួយគ្នានឹងស្ដង់ដានៃវិទ្យាស្ថានអប់រំដ៏ខ្ពស់ជាងគេដើម្បីឆ្លើយតបទៅនឹងតម្រូវការសង្គម អារម្មណ៍ និងលទ្ធផលសម្រាប់សិស្សានុសិស្សទាំងអស់។
យើងខ្ញុំផ្ដល់ជូននូវកាលវិភាគសិក្សាប្រកបដោយសក្ដានុពល និងអន្តរជាតិនៅក្នុងបរិយាកាសដ៏មានផាសុកភាពដែលជួយគាំទ្រដល់ការអភិវឌ្ឍផ្នែកសង្គម និងផ្លូវអារម្មណ៍។ កាលវិភាគសិក្សាតាមបែបអាមេរិកត្រូវបានអនុវត្តតាមមុខវិជ្ជាចម្បងនៃភាសាអង់គ្លេស គណិតវិទ្យា សិល្បៈច្នៃប្រឌីត វិទ្យាសាស្ត្រ និងសុខភាព។
ការសិក្សាអក្សរ និងលេខពិតជាមានសារសំខាន់។ ទោះជាយ៉ាងណាក៏ដោយ យើងខ្ញុំខិតខំព្យាយាមពង្រឹងមារយាទ និងវិន័យល្អ អាកប្បកិរិយាប្រពៃថ្លៃថ្នូរ និងជំនាញសង្គមដែលសមស្របនឹងវប្បធម៌។ កាលវិភាគសិក្សារបស់សាលាត្រូវបានអនុវត្តតាមភាពជាក់ស្ដែងនៃការអប់រំដោយផ្អែកលើអត្តចរិតពីកំណើត អាកប្បកិរិយាថ្លៃថ្នូរ និងភាពចង់ចេះចង់ដឹងដើម្បីអភិវឌ្ឍជំនាញដែលឈានដល់ការសិក្សាជាទម្លាប់ដ៏ល្អ។